الرئيسية
من طرف السلام عليكم جميعا
حبيت اكتب هالموضوع واتمنى ان الكل يقراه
حتى لو يمر عليه مرور الكرام بس ابيه يقراه
المنتدى هالايام يواجه مشكلة خروج الاعضاء وانسحابهم
واللي يطلع بدون سبب واللي يطلع بسبب
ابي احاول اوقف هالمشكله
ليش الخروج ؟؟؟؟
ليش الانسحاب ؟؟؟؟
اخوي او اختي المنسحبه او اللي تفكر ان تنسحب
تدري ان بخروجك شنو راح يصير ؟؟؟؟؟
لا تقول بالطقاق
ولا تقول ادري
لأن خروجك من هنا يعني انك ما راح تمر على المنتدى
يعني انك ما راح تدري باللي صاير
بخروجك انت تكسر قلب انسان
وممكن انت ما تدري
وبخروجك يخسر المنتدى
راح تقول ما سويت شي ؟؟
انساها .... شي مو مقنع هذا
راح تقول افلان غلط علي ؟؟؟؟؟
كلنا اخوان وحتى لو غلط هناك اداره تتفاهم معاه
ما تبي الاداره تتفاهم معاه او ما نفع التفاهم .....احقره
احقره هو بس .....افضل من انك تطلع وتحقر عشرات الاشخاص
يقول الرسول _صلى الله عليه وآل وسلم _((من عاشر القوم اربعين يوما فهو منهم ))
وانت الان عاشرتنا شهور وبكل سهوله راح تتركنا
يعني راح تخالف امر الرسول
ترضاها انت ....نفسك تعصي امر الرسول الاكرم
مو عيب عليك
هم بعد فوق كل هذا راح تخلي الناس تحاتيك
انا فكرت اطلع يوم بس ...و الكل يدري
بس اللي منعني اهوو غيرتي على بعض النااس
ما ابي احد يتظايق مني
انت يا العضو اللي تفكر تطلع هم بعد طلعتك راح تظايق اعضاء واايد
لأن المنتدى ما شاء الله اعضاء وايد فيه مو واحد لو اثنين لو ثلاثه
انا هذا اللي عندي
اي واحد يبي يطلع يطلع بس يعرف قبل لا يطلع انه مشى وترك ناس متظايقه من اللي سواه
مشى وناس تبكي عليه
مشى وناس تحاتيه في كل لحظه
مشى ونسى ناس كانت مثل الاخوه معاه
مو من عادة الواحد اذا فقد اخوه يبكي
هم احنا بعد عندنا اعضاء مثل كذا
ومن عادة الابوا اذا فقد ولد يبكي
هم المنتدى يبكي اذا فقد احد الاعضاء
وهذا كل اللي عندي
اتمنى ان كلامي ما يجرح احد
واتمنى للكل اللي يعرفون ناس منسحبين يرون هالموضوع الناس اللي انسحبت
يمكن قلبهم يحن شوي ويرجعون للمنتدى
و ادري انه ما في نااس انسحبوا واايد
بس اتمنى انه الموضوع يوصل حق عضوه
بالنسبة لي اعتبرها مميزة و اعزها مثل اختي
و اهي (غزل)
و هذا اللي اقدر اقووله
